مين أنا
سلطان حسن، مدير حملات إعلانية مستقل، وأنا المسؤول عن بياناتك في هالموقع. التواصل: [email protected]
وش أجمع
- من النماذج والحجز (أنت تكتبها): اسمك، والإيميل أو رقم الواتساب، ورابط متجرك أو موقعك، والخدمة اللي تبيها، والموعد لو حجزت. وأحفظ معها وقت الطلب وملاحظاتي عليه. وبيانات الخطوة الأولى من الحجز تنحفظ حتى لو ما اخترت موعد.
- مصدر الزيارة (مع كل طلب): الصفحة اللي طلبت منها، وأول صفحة فتحتها، ومن وين وصلت للموقع (مثل إعلان أو موقع ثاني).
- من الحاسبة (لو طلبت نتيجتك على الواتساب): رقم الواتساب، والأرقام اللي كتبتها ونتيجتها.
- من التواصل: رسائل الواتساب والإيميل اللي بيننا.
- من أدوات القياس (لو وافقت في بانر الكوكيز): توصل لـ Google Tag Manager وGoogle Ads وGoogle Analytics الصفحات اللي فتحتها، والأزرار اللي ضغطتها، وإذا أرسلت طلب أو حجزت، ومعها رقم عشوائي للطلب أو الحجز عشان أعرف أي إعلان جابه. وما ينرسل لها اسمك ولا إيميلك ولا رقمك، وما أستخدمها لإعلانات مخصصة لك.
- من أداة الحماية (Cloudflare Turnstile): تتأكد إن الطلب من إنسان مو برنامج آلي. تشتغل أول ما تضغط على خانة في النموذج، وتفحص معلومات تقنية عن متصفحك وجهازك، وعنوان جهازك على الإنترنت (IP). وما أحفظ عنوان IP في جدول ولا ملف.
ليش أجمعها
عشان أسوي التحليل أو الخدمة اللي طلبتها، وأتواصل معك بخصوصها، وأحمي الموقع من الطلبات المزعجة، وأعرف وش يفيد زوار الموقع ووش يجيب الطلبات. وأستخدمها لهالأغراض بس.
مع مين أشاركها
ما أبيع بياناتك، ولا أعطيها لأحد عشان يعلن لك أو يتواصل معك لأغراضه هو. يوصلها بس جهة رسمية لو طلبتها حسب النظام، ومزودو الخدمة اللي أستخدمهم في شغلي:
- Google: الإيميل، وجدول العملاء، والتقويم، والملفات، ومكالمات Google Meet (وما أسجلها)، وأدوات القياس اللي فوق.
- Cloudflare: استضافة الموقع وأداة الحماية. والنماذج تمر فيه بدون ما تنحفظ، وعنده سجلات تقنية لتشغيل الموقع وحمايته.
- Cal.com: حجز المواعيد.
- WhatsApp Business (من Meta): المحادثات والرسالة الأسبوعية، وأنظمها بقوائم داخلية مثل «عميل جديد».
- أدوات ذكاء اصطناعي (مثل Claude من Anthropic): أستعين فيها في التحليل وتنظيم الشغل، وممكن تمر عليها بيانات طلبك أو متجرك.
وكل هالمزودين شركات من خارج السعودية، فممكن تنحفظ بياناتك أو تتعالج خارج المملكة.
حساباتك ومتجرك
لو أعطيتني صلاحية على حساباتك الإعلانية أو متجرك، أستخدمها بس للخدمة المتفق عليها. وما أنقل بيانات عملائك لبرا حساباتك إلا لو احتاجتها الخدمة واتفقنا عليها. وأشيل صلاحيتي لما نوقف، وتقدر تشيلها أنت متى ما تبي.
كم أحتفظ فيها، وكيف أحذفها
أحتفظ فيها سنة من آخر تواصل بيننا، والفواتير والعقود المدة اللي تطلبها الأنظمة. وبعد السنة، أو لما تطلب، أحذفها من جدول العملاء، والإيميل، والملفات، وأداة الحجز، والتقويم، والواتساب. وممكن تبقى نسخ احتياطية عند المزودين مدة محدودة.
حقوقك
تقدر تطلب نسخة من بياناتك، أو تصحيحها، أو حذفها، أو تسحب موافقتك متى ما تبي. راسلني على [email protected]، وأرد على طلبك خلال 30 يوم.
الرسالة الأسبوعية
ما توصلك إلا لو طلبتها أنت برسالة على الواتساب، وتوقفها متى ما تبي بكلمة «إيقاف».
الكوكيز واختيارك
الكوكيز ملفات صغيرة تحفظها المواقع في متصفحك. وأول ما تدخل الموقع يطلع لك بانر تختار فيه: «موافق» على أدوات القياس، أو «الضروري بس» بدونها. أما أداة الحماية وتقويم الحجز فتشتغل في الحالتين، لأن النماذج والحجز تحتاجها. واختيارك ينحفظ في متصفحك، وتقدر تختار من جديد من رابط «إعدادات الكوكيز» في آخر الصفحة. وفيه معلومات مؤقتة (مثل مصدر الزيارة وخطوة الحجز) تنمسح لما تسكر التبويب.
التعديلات
لو صار في هالسياسة أي تعديل، أكتب تاريخه فوق. ولو بدأت أستخدم أداة قياس جديدة، أذكرها هنا قبل ما تشتغل.